+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
“Biabırçıdır! Belə olanda nazir istefa ərizəsini yazmalıdır...”
2 Noyabr 2022 16:17
Əli Rüzgar
ŞƏHİD NİŞANLISI
Qarşıdakı dağlara,
Gül açır, bomba düşür.
Üzülür qanadlarım,
Barmaqlarım tətikdə.
***
Gecənin bir yarısı,
Ürəyimdən yar keçir.
Azca külək duyulur,
Çoxca iydə qoxusu.
***
Qarşıdakı dağlara,
Gün doğur, bomba yağır.
Bilirəm ey sevgili,
Sən şəhid nişanlısı,
Mən əsgər aşiqiyəm.
SƏNƏ
Günəşə bax səhərlər,
Doğulub, ölüm sənə.
Barmaqlarım tətikdə,
Yetişməz əlim sənə.
***
Mənə birdə "qayıt" de,
Qayıdım, gülüm sənə.
Yetər ki, sən harayla,
Dirilim, gəlim sənə.
XOŞ, AXICI, NARIN
Desəm ki, göy üzünün,
Ən parlaq ulduzların.
Toplayıb saçlarına,
Düzərəm narın-narın.
***
Desəm ki, yer üzünün,
Gününü-gecəsini.
Əl-ələ dolaşarıq,
Tinini, küçəsini.
***
Desəm ki, gül üzünün,
Vurğunam gülüşünə.
De, necə sevinməyim,
Baharın gəlişinə?
***
Desəm ki, ömür boyu,
Hər dərdə, qəmə varam.
Dərdini çəkərəm də,
Nazını bacarmaram.
Səadət Qərib Rzayeva
ŞƏHİD VƏ ANASI
Ağlama, ay ana, qurbanın olum,
Oğlun ucalıbdı Şəhid adına.
Tək bir göz yaşına dözə bilmirəm,
Bilmirəm mən necə çatım dadına.
***
Vətəni sevdirib, mənə demişdin,
Vətənçün fədakar olmaq gərəkdir.
İndi unutmusan, göz yaşın durmur,
Ağlama, ana can, bu bir şərəfdir.
***
Daha çox düşməni məhv edəcəkdim,
Bu yolu könüllü özüm seçmişdim.
Xocalı zülmünə qisas almağa,
Göz dağı verməyə mən and içmişdim.
***
Hələ Qarabağım gözləyir bizi,
Bu ad yaddaşların əbədi rəsmi.
Ağlama, ana can, belə düşün ki,
Oğlun ölməyibdir, getsə də cismi.
***
Şəhid anasısan, məğrur dayan sən,
Fəxr elə oğlunla, bu bir zinətdir.
Vətənçün, torpaqçün ölən hər kəsə,
Əbədi mükafat -yeri cənnətdir!
YAŞA ALİ BAŞ KOMANDANIM
Heydər oğlu, qəhrəman,
Tarix yazan sərkərdə.
Xariqələr yaratdı,
Zəkasıyla hər yerdə.
***
Dəmir yumruqlu adam,
Adın gəzir dillərdə.
Ulu öndər ruhun şad,
Yurdun əmin əllərdə.
***
Qürur duyur Qarabağ,
Şanlı Azərbaycanım.
Yaşa, yaşa , çox yaşa,
Ali Baş Komandanım!
BOŞ ÇƏRÇİVƏ
Çaldı həyatımı gedərkən məndən,
Namərd kül üfürdü eşqin gözünə.
İz qalmasın deyə, o çərçivədən,
Rəsmini çıxarıb verdim özünə.
***
Ancaq çərçivəni ata bilmirəm,
Sanki içi onun cismiylə dolu.
Hamının gördüyü o boş çərçivə,
Mənim gözlərimdə rəsmiylə dolu.
***
Hər gecə baxıram o çərçivəyə,
Gözümdə canlanıb, həm yox olursan.
Boşaldıb qəlbimi, çıxıb gedirəm,
Dönüb baxıram ki, mənə baxırsan.
***
Səndən mənə qalan o boş çərçivə,
Sönən eşqimizin alışan közü.
Bir zaman rəsminlə dolu çərçivə,
İndi yaşatmayır bu eşqimizi.
***
Bilməzdim ki, səndən yadigar qalan,
O quru çərçivə canlı olacaq.
Bu boş çərçivədə bir ömür boyu,
Nakam eşqimizin izi qalacaq.
Hazırladı: Isa Ravan
