ABŞ-dan Rusiyaya cavab: “Bu, təxribatdır”

ABŞ Suriyada kimyəvi hücum hazırlamır və Rusiya Müdafiə Nazirliyinin verdiyi bəyanat təxribatdır. 

Mediainfo.az azvision.az-a istinadən xəbər verir ki, bu barədə ABŞ Dövlət Departamentinin sözçüsü Hizer Nauert deyib
“Rusiya Müdafiə Nazirliyi yalan bəyanat verərək deyir ki, ABŞ və Azad SuriyaOrdusu Suriyada kimyəvi silahdan istifadə olunmasilə bağlı hücumu səhnələşdirməyə hazırlaşır” – deyə Nauert "Tvitter" hesabında yazıb. 

Bu ittihamlar qarşılığında Nauert Rusiya hərbi kəşfiyyatının sabiq əməkdaşı Sergey Skripalın Britaniyada kimyəvi maddədən zəhərlənməsində Rusiyanın əli olduğuna diqqət çəkib və Suriya hökumətini dəstəklədiyinə görə Moskvanı tənqid edib. Həmçinin vurğulayıb ki, ABŞ kimyəvi silahların qadağan olunması üzrə Konvensiyaya sadiq olmağa davam edir. 

Qeyd edək ki, iyunun 11-də Rusiya Müdafiə Nazirliyi Suriyada Azad SuriyaOrdusunun ABŞ-ın iştirakı ilə Deyr əz-Zorda zəhərləyici maddələrdən istifadə etməklə ciddi təxribata hazırlaşdığını bəyan edib. Məlumatda bildirilib ki, bununla da, guya kimyəvi silah tətbiqinə dair süni şəkildə hazırlanacaq video-rolik ABŞ-ın başçılıq etdiyi koalisiya qüvvələrinin Suriya dövlət obyektlərinə hava zərbələri endirməsi və silahlı müxalifətin hücumu üçün bəhanə kimi istifadə olunacaq. Və dinc əhaliyə qarşı Əsəd rejiminin kimyəvi hücumunu imitasiya etmək üçün artıq Azad Suriya Ordusu Həkl əl-Cəfra yaşayış məntəqəsinə xlor balonları da gətirib.
Çox oxunan xəbərlər
Son xəbərlər

17.08.2018

16.08.2018

Müsahibələr
Arxiv
Avqust 2018
B.eÇ.aÇC.aCŞB
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31















free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
2010-2017 (c) Mediainfo.az | Rss | E-mail: [email protected]
Created by NetService.az