Horadiz-Ağbənd dəmir yolunun 50 kilometri hazırdır

Horadiz-Ağbənd dəmir yolunun 50 kilometri hazırdır

Horadiz-Ağbənd dəmir yolu xətti 8 stansiyadan keçməklə ümumi uzunluğu 111 kilometrdir. Hazırda dəmir yolu xətti üzrə 50 kilometrlik hissənin müfəssəl layihəsi hazır vəziyyətdədir. Layihənin gələn ilin sonunadək yekunlaşdırılması planlaşdırılır.

Mediainfo.az xəbər verir ki, bu sözləri Azərbaycan Avtomobil Yolları Dövlət Agentliyinin (AAYDA) Tikintiyə Nəzarət İdarəsinin rəis müavini Məhəmməd Nağıyev deyib.

“Dəmir yolu xətti üzrə layihələndirmə və tikinti quraşdırma işləri minalardan təmizləmə işləri ilə paralel olaraq davam etdirilir. Hazırda minalar bu yolda iş aparılmasına əngəl törədir. Minalar təmizləndikcə tikinti-quraşdırma işlərini davam etdiririk”, - o bildirib.

Qurum rəsmisi qeyd edib ki, ərazidə işlər üç mərhələdə aparılır:

“Birinci mərhələ Horadiz-Mərcanlı-Mahmudlu stansiyalarını əhatə edir. Bu xətt əvvəlki dəmir yolu xətti ilə eynidir. İkinci mərhələ Mahmudlu-Soltanlı-Qumlaq-Mincivan stansiyalarını əhatə edir. Bu hissə Xudafərin və Qız qalası hidroqovşaqlarının tikintisi ilə əlaqədar yeni xətt layihələndirilib. Üçüncü mərhələ üçün Mincivan-Bartaz-Ağbənd stansiyaları mövcud xəttə birləşdirilib”.

Çox oxunan xəbərlər
Elan Elan
Son xəbərlər

2023.10.17

2022.11.15

2022.11.14

2022.11.13

2022.11.12

2022.11.11

2022.11.10

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2024 (c) Mediainfo.az