Sentyabrın 3-ü Azərbaycan teatrının, kinosunun görkəmli nümayəndəsi, adı çəkiləndə uşaqdan böyüyə hər kəsin çöhrəsində təbəssüm, ürəyində ən xoş hisslər yaradan Xalq artisti, həmişəyaşar Yaşar Nurinin doğum günüdür.
Mediainfo.az xəbər verir ki, bu gün unudulmaz sənətkarın 69 yaşı tamam olur. Yaşar Nuri haqqında keçmiş zamanda danışmaq, xatirələr söyləmək olmur. Unudulmaz sənətkarın adı, oynadığı obrazlardan gətirdiyimiz sitatlar hər gün, hər saat Yaşar Nurini ürəyimizdə yaşadır.
Yaşar Nuri Azərbaycan səhnəsinin, kinosunun unudulmaz, həmişəyaşar sənətkarıdır. Bu gün də hər il olduğu kimi sənətkarın ailə üzvləri, doğmaları, Yaşar Nuri sənətinin pərəstişkarları unudulmaz sənətkarın II-ci Fəxri Xiyabandakı məzarını ziyarət edəcək.
Yaşar Nurinin ruhuna dualar oxunacaq, xatirəsi hörmətlə yad ediləcək.
Mediainfo.az