Bu il qlobal neft tələbatı gündəlik 8,4 milyon barrel azalacaq

Bu il qlobal neft tələbatı gündəlik 8,4 milyon barrel azalacaq

Cari ildə qlobal neft tələbatının ötən ilə görə sutkada 8 milyon 400 min barrel azalacağı nəzərdə tutulur.

Mediainfo.az xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.

IEA-ya görə, koronavirus epidemiyasında ikinci dalğa təsirlərinin Avropada mart-may aylarındakı qədər şiddətli hiss edilməsə də, yeni səyahət məhdudiyyətlərinin tətbiqinin bu azalmaya təsir edəcəyini bildirib.

Bu il neftə olan gündəlik tələbatda 33 milyon 600 min barrel ilə Asiya-Sakit Okean ölkələri ilk sırada olacaq. Sonrakı yerlərdə isə 28 milyon 700 min barrellə Amerika qitəsi və 13 milyon 300 min barrel ilə Avropa qərarlaşacaq.

Gələn il sutkada 97 milyon 100 min barrelə çatacağı nəzərdə tutulan qlobal neft tələbatının Asiya-Sakit Okean bölgəsində 35 milyon 500 min barrel, Amerikada 30 milyon 600 min barrel, Avropada isə 14 milyon 300 min barrel olacağı gözlənilir.

Mediainfo.az

Çox oxunan xəbərlər
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: mediainfo.az@mail.ru
2009-2020 (c) Mediainfo.az. Created by NetService.az