“Nissan” avtomobil konserni tərəfindən ixtisarlar gözlənilir

“Nissan” avtomobil konserni  tərəfindən  ixtisarlar gözlənilir

Yaponiyanın “Nissan” avtomobil konserni koronavirus infeksiyasının yayılmasının qarşısının alınması məqsədilə tətbiq olunan məhdudiyyətlər fonunda gəlirlərinin azalması səbəbindən 20 min əməkdaşını ixtisar etmək imkanlarını nəzərdən keçirir.

Kyodo informasiya agentliyi xəbər verir ki, ixtisarlar ilk növbədə “Nissan” korporasiyasının Avropa regionunda və inkişaf etməkdə olan dövlətlərdəki əməkdaşlarına təsir edə bilər. Bundan başqa, avtomobil konserni Yaponiya ərazisindəki istehsalatını da yenidən qurmağı planlaşdırır.

Mayın 14-də “Nikkei” qəzeti “Nissan” korporasiyasının Barselonadakı zavodunu bağlamaq niyyətində olduğunu yazıb. Bu müəssisə ildə 200 min avtomobil istehsalı imkanlarına malik olsa da, ötən ilin nəticələrinə əsasən, onun konveyerindən cəmi 55 min maşın çıxıb. Zavodun bağlanması yenidənqurma üzrə plan çərçivəsində nəzərdən keçirilir. Plana əsasən, avtomobil konserni 2022-ci ilə qədər özünün qlobal istehsalat gücünün həcmini 20 faizə qədər azaltmalıdır.

Qeyd edək ki, Yaponiya və Fransanın müştərək “Renault - Nissan - Mitsubishi” alyansı girov müqabilində həbsdən buraxıldıqdan sonra Livana qaçan sabiq rəhbəri Karlos Qonla bağlı maliyyə qalmaqalından sonra dərin böhran vəziyyətinə düşüb. 2019-cu ildə hər üç kompaniyanın avtomobil satışları 10,9 faiz azalaraq 9,34 milyon ədəd təşkil edib. Alyans bu səbəbdən yaxın perspektivdə xərcləri azaltmaq və istehsalat effektivliyini artırmaq niyyətindədir.

Mediainfo.az

Çox oxunan xəbərlər
Son xəbərlər

2020.06.05

2020.06.04

BMT-dən Trampa BMT-dən Trampa 4 İyun 09:52

2020.06.03

Müsahibə
Arxiv






free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: mediainfo.az@mail.ru
2009-2020 (c) Mediainfo.az. Created by NetService.az