+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
Bu avtomobillərin gömrük rüsumu 0 faizə endirildi!
12 Noyabr 2022 11:44
Marketlərdə meyvələrin qiyməti Moskva bazarlarından da yüksəkdir. Bunun səbəbi meyvə istehsalçıları ilə bazar arasında bir neçə halqa olmasından qaynaqlanır.
Mediainfo.az-ın verdiyi xəbərə görə, bu fikirləri iqtisadçı ekspert Natiq Cəfərli regionlarda və şəhərlərdəki meyvə və tərəvəz məhsullarının qiymətlərindəki böyük fərqlərdən danışarkən Axar.az-a açıqlamasında bildirib. Onun sözlərinə görə, Azərbaycanda fermerlər öz məhsullarını birbaşa bazara, marketlərə çıxara bilmir:
“Tarladan süfrəyə qədər olan məsafədə oyunçular olur. Neçə ildir bu problemlə bağlı araşdırma aparılır, Kənd Təsərrüfatı Nazirliyi, əlaqədar qurumlar dəfələrlə söz veriblər ki, fermerlərin bazarlara çıxışı asanlaşacaq. Lakin biz bunu görmürük. Məhsul Bakıya, supermarketlərə gələnə qədər bir neçə dəfə əl dəyişdirir. Bu əldəyişmə nəticəsində məhsulun qiymətində kəskin artım müşahidə olunur. Bu satış zəncirində yer alan oyunçular öz xeyirlərinə görə məhsulun qiymətini artırırlar. Bunun həll yolu odur ki, böyük market şəbəkələri fermerlərlə birbaşa müqavilə bağlasınlar. Buna şərait yaradılmalıdır. Təəssüf ki, Bakıda kənd təsərrüfatı bazarları bağlanır. Əksəriyyət supermarketlərdən alış-veriş edir. Fermerlərlə marketlər arasında birbaşa əlaqənin yaranması həm fermerlər üçün komfortlu qiymət koridoru yarada bilər, həm də vətəndaşlar daha ucuz qiymətə məhsul əldə edərlər”.
Ekspert qeyd edib ki, hazırda Rusiya sərhədi yükdaşımalar üçün açıqdır, lakin bağlana bilər:
“Məhsulun Rusiyaya ixracı zamanı maşınlar günlərlə sərhəddə qalır, bazarlara çıxış məhdudiyyəti olur, yollarda incidilir. Nəticədə məhsul xarab olur. Ona görə də bu ehtimallara hazır olmaq lazımdır. Azərbaycanda meyvə istehsalı ilə məşğul olan fermerlərin yerli bazara çıxması üçün dövlətin dəstəyinə ehtiyacı var”.
Qeyd edək ki, Göyçayda fermerlər məhsullarını Rusiya bazarına çıxara bilmədikləri üçün yerində xiyarın kilosunu 3-5 qəpiyə, pomidorun kilosunu isə 20 qəpiyə satdıqlarını bildiriblər. halbuki bakıda xiyar 50 qəpik, pomidor isə 1,5-2,5 manatadır.
