Vahid Ələkbərov "Lukoyl"un prezidenti vəzifəsindən getdi

Vahid Ələkbərov "Lukoyl"un prezidenti vəzifəsindən getdi

Azərbaycan əsilli iş adamı Vahid Ələkbərov “Lukoyl”un Direktorlar Şurasını və şirkətin rəhbəri vəzifəsini tərk edib.

Mediainfo.az xəbər verir ki, bu barədə “Lukoyl” şirkəti məlumat yayıb.

““Lukoyl” ACS-nin prezidenti və Direktorlar Şurasının üzvü Vahid Yusifoviç Ələkbərov şirkətin Direktorlar Şurasının üzvü kimi səlahiyyətlərindən imtina etmək, habelə prezidenti vəzifəsindən vaxtından əvvəl istefa vermək barədə qərarı ilə bağlı ASC-ni məlumatlandırıb”, - deyə açıqlamada bildirilir.

Məlumatda o da vurğulanıb ki, Vahid Ələkbərov 1993-cü ildən şirkətə rəhbərlik edib. Bundan əlavə, iş adamı “Spartak” futbol klubuna nəzarət edir.

Xatırladaq ki, aprelin 13-də Böyük Britaniya aralarında Vahid Ələkbərovun da olduğu Rusiyadan olan 206 fiziki və hüquqi şəxsə qarşı sanksiya tətbiq edib.

O, Rusiya Federasiyasının ən zəngin 10 milyarderindən biridir. “Bloomberg Billionaires Index (BBI)” reytinqinin məlumatına əsasən, cari ilin əvvəlindən 71 yaşlı Vahid Ələkbərovun sərvəti 17,4 milyard dollar həcmində azalıb. Dekabr ayında milyarderin sərvəti 26,16 milyard dollar olaraq qiymətləndirilirdi.

Çox oxunan xəbərlər
Elan Elan
Son xəbərlər

2022.07.01

2022.06.30

2022.06.29

2022.06.28

2022.06.27

2022.06.26

2022.06.25

2022.06.24

2022.06.23

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2022 (c) Mediainfo.az