+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
Bu avtomobillərin gömrük rüsumu 0 faizə endirildi!
12 Noyabr 2022 11:44
Sabiq maliyyə naziri Fikrət Yusifov son müsahibələrindən sonra verilən reaksiyalarla bağlı açıqlama yayıb.
Oxuməni.az xəbər verir ki, sabiq nazir 1990-cı illərin ortalarında Respublika Əmanət Bankının sədri vəzifəsində çalışmış Hüseyn Səfərovun ağlasığmaz talançılıq etməsi ilə bağlı şok faktı ictimailəşdirib.
O bildirib ki, H.Səfərov cəmi 1 il vəzifədə olsa da, o vaxtkı Azərbaycanın bank sistemi tarixində ən böyük talanın müəllifidir:
"H.Səfərov Respublika Əmanət Bankının sədri vəzifəsində işlədiyi 1 il müddətində o vaxtın pulu ilə 150 milyard manat krediti bankın yerli filialları və ilk növbədə Səbail rayonunun Bayıl ərazisində yerləşən və onun özünə şəxsən aid olan filialda mal-qara tədarükü adı altında nağdlaşdıraraq mənimsəmişdir. O dövrdə Əmanət Bankının nəzarət zərfi dövlətə məxsus idi. Dövlət adından isə Maliyyə Nazirliyi çıxış edirdi. Dövlətə aid bu payı idarə edən Respublika Maliyyə Naziriliyi və bir nazir kimi mən Əmanət Bankında baş verən bu talana qarşı biganə qala bilməzdim. Mən bankda baş verən bu talanı araşdırmaq üçün Maliyyə Nazirliyinin mütəxəssislərindən ibarət təftiş qrupu ayırdım. Qısa zaman içərisində bütün bu oğurluqların üstü açıldı. Təsəvvür edin, mütəxəssislər o zaman hesablamışdılar ki, bankın filiallarından Hüseyin Səfərovun bilavasitə tapşırıqları ilə mal-qara tədarükü adı altında ayrı-ayrı adamların adına kredit kimi verilib, nağdlaşdırılaraq oğurlanan bu pullara əgər həqiqətən mal-qara alınsaydı, onda bu mal-qaranın yerləşə biləcəyi ərazi Abşeron yarımadasının ərazisindən 3 dəfə böyük olmalı idi".
F.Yusifov bildirib ki, pulların daha çox nağdlaşdırıldığı Əmanət Bankının Bayıl ərazisində yerləşən və Hüseyin Səfərova bilavasitə aid olan filialda Maliyyə Nazirliyinin mütəxəssisləri yoxlama apararkən, Hüseyn Səfərovun silahlı adamları Maliyyə Nazirliyinin 3 müfəttişini oğurlayıb naməlum istiqamətdə aparmışdılar:
"Müfəttlişlərdən biri (o, hazırda da Respublika Maliyyə Nazirliyində çalışır) Azneft meydanından qalxaraq onları naməlum istiqamətdə aparan maşın hərəkətdə olarkən qapını açaraq Dövlət Filarmoniyasının yanında özünü yerə atmış və qaçıb Prezident Aparatına daxil olaraq xilas olmuşdu. Təbii ki, bundan sonra ölkə rəhbərliyi və Baş Prokurorluq bu məsələyə qarışdı və Maliyyə Nazirliyinin Hüseyn Səfərov tərəfindən oğurlanmış iki müfəttişi də tapıldı".
Sabiq nazir bu faktı ictimailəşdirməsinə səbəb kimi "Azərbaycanın bank tarixində ən böyük talanı həyata keçirmiş bu şəxsin" onun son müsahibəsinə münasibət bildirməyə cəsarət etməsini əsas göstərib.
F.Yusifov H.Səfərov haqda yalnız "vəzifədən qovdum" sözünü işlədib, ancaq onun əməllərinə hüquqi qiymət verilib-verilmədiyi haqda heç bir söz deməyib.
Qeyd edək ki, MTN işində zərərçəkmiş kimi adı keçən H.Səfərov əvvəllər Vergilər Nazirliyinin bir neçə rayon idarəsində rəis, 2004-2009-cu illərdə isə "Kapitalbank"ın "Tərəqqi" filialının müdiri olduğunu bildirmişdi. O, 1990-cı illərdə hansı vəzifəni daşıması barədə istintaqa izahatında qeyd etməyib.
