Hindistan və Banqladeşdə güclü qasırğa ölümlərə yol açıb

Şərqi Hindistan və Banqladeş sahillərində tüğyan edən güclü “Amfan” qasırğası nəticəsində azı 21 nəfər ölüb

“Qərbi Benqaliyanın bütün cənub hissəsi zərər görüb. Qasırğa elektrik təchizatını pozub və böyük iqtisadi ziyana səbəb olub. Sahil bölgələrində yaşayış evləri, körpülər və digər tikililər dağılıb. Dəymiş zərəri qiymətləndirmək üçün bir neçə gün lazım olacaq”, - ştatın baş naziri Mamata Benrci deyib.

“Koronavirus pandemiyasının vurduğu ziyandan daha çoxu ilə qarşılaşmışıq”, - xanım nazir söyləyib.

İlkin məlumatlara görə, Hindistanın şərqindəki Odişa ştatında 2 nəfər ölüb, Banqladeşdə isə siklon 7 nəfərin ölümünə səbəb olub.

Mediainfo.az