Ermənistan hökuməti KTMT-nin baş katibi vəzifəsinə namizəd axtarır.
Mediainfo.az xəbər verir ki, bu məlumatı “Joxovurd” qəzeti yayıb. Məlumata görə, sentyabrın 16-da KTMT sədrliyi Ermənistana veriləcək.
Qəzet hazırda hakimiyyətin bu vəzifəyə əsas namizəd kimi keçmiş müdafiə naziri Vaqarşak Arutyunyanı düşündüyünü, amma hələlik müəyyən şübhələrin qaldığını bildirib:
“Ermənistana avqustun 9-da KTMT Baş katibi Stanislav Zasın rəhbərlik etdiyi nümayəndə heyəti gəldi. Zas İrəvanda müdafiə naziri Arşak Karapetyanla görüşdü. Görüş zamanı Karapetyan Zası Ermənistanın KTMT-nin sədrliyinə konseptual yanaşması barədə məlumatlandırdı və erməni tərəfinin prioritetlərindən birinin təşkilatın effektivliyinin təkmilləşməsi və artırılması olduğunu bildirdi. İndi hakimiyyət bu işdə öz rolunu oynayacaq insanı axtarmağa cəhd edir”.