İsrail alimləri koronavirusu iki saniyəyə məhv etməyin üsulunu tapdılar

İsrail alimləri koronavirusu iki saniyəyə məhv etməyin üsulunu tapdılar

İsrailin Ariel Universitetinin alimləri koronavirusun iki saniyə ərzində məhv etməyin yolunu tapıblar. Araşdırmanın nəticələri Environmental Chemistry Letters jurnalında dərc olunub.

Mediainfo.az xəbər verir ki, mütəxəssislər uzunluğu bir millimetrdən on millimetrə qədər olan radiodalğaların infeksiyaya təsirini tədqiq edib və radiasiyanın virusu iki saniyəyə öldürə biləcəyini müəyyən ediblər.

Bu tip radiasiyanın təxminən üç millimetr dalğa uzunluğu var. Müqayisə üçün deyək ki, mobil telefondan gələn şüalanmanın dalğası təqribən 30 santimetr, mikrodalğalı şüalanma isə təxminən 12 santimetrdir.

Millimetr dalğaları tibbdə, xüsusən də xərçəng hüceyrələri ilə mübarizədə geniş istifadə olunur.

Alimlər qeyd ediblər ki, belə dalğalar temperaturu yüksəltməyə qadirdir, bu da onlara virus hissəciklərini öldürməyə imkan verir.

Tədqiqatın müəllifləri bu üsulun insan orqanizmində infeksiyaya qarşı mübarizədə istifadə oluna biləcəyinə şübhə ilə yanaşırlar, lakin eyni zamanda, onun daha sürətli işlədiyini qeyd edirlər: cəmi iki saniyə ərzində virus hissəciklərinin 99,8 faizini məhv edir.

Alimlər yeni texnologiyanı poliovirus üzərində sınaqdan keçiriblər və koronavirusla eyni effektivliyə nail olublar.

Çox oxunan xəbərlər
Son xəbərlər

2022.01.24

2022.01.23

2022.01.22

2022.01.21

2022.01.20

2022.01.19

2022.01.18

2022.01.17

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2022 (c) Mediainfo.az