+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
İran İsraili “qaçılmaz yeni cəbhələrlə” hədələyir
17 Oktyabr 2023 10:49
Ermənilər Laçın şəhərindən yan keçməklə tikilən yeni avtomobil yolu ilə bağlı narahatdırlar.
Ermənistanı Xankəndi ilə birləşdirəcək yeni yolun inşası Rusiya, Ermənistan və Azərbaycan arasında imzalanmış 10 noyabr 2020-ci il tarixli üçtərəfli bəyanatda öz əksini tapıb. Sənədə görə, yeni yol üç il ərzində hazır olmalıdır.
Mediainfo.az-ın məlumatına görə, bəzi Ermənistan KİV-ləri növbəti dəfə Azərbaycan tərəfinin inşa etdiyi yeni yoldan yazıb.
Yeni avtomobil yolunun açılışından sonra Laçın şəhərinin tamamilə Azərbaycanın nəzarətinə keçəcəyi halda 30 ildir orada müvəqqəti məskunlaşmış ermənilərin çıxarılması gerçəkləşəcək.
Özünü Xankəndidəki separatçıların yaratdığı qondarma rejimin “ombudsmanı” adlandıran Qeqam Stepanyan bildirib ki, hazırda Laçın şəhərinin mərkəzində 150-yə yaxın erməni məskunlaşıb. Onun sözlərinə görə, İkinci Qarabağ müharibəsinə kimi Laçındakı ermənilərin sayı 1500 nəfərə yaxın olub. Son vaxtlar Qarabağdakı vəziyyətin Azərbaycanın xeyrinə dəyişdiyini anlayan ermənilər müvəqəqti yaşadıqları Laçın şəhərini tərk etmək məcburiyyətində qalıb. Qeqam Stepanyanın sözlərindən belə məlum olur ki, son iki ildə 1300-dən çox erməni Laçından çıxıb gedib.
Elə Xankəndidəki separatçıları narahat edən də budur.
“Biz israr edirik ki, Laçındakı ermənilər qalıb orada yaşasın”, - deyən Q.Stepanyan Azərbaycan hakimiyyətinin Şuşa və ətraf bğlgələrdə apardığı intensiv tikinti işlərinin separatçıları ciddi şəkildə narahat etdiyini də vurğulayıb.
Xatırladaq ki, Laçın şəhərindən yan keçməklə tikilən avtomobil yolu Həkəri çayı üzərindən keçir. Bu tikinti sayəsində Ermənistanın Zəngəzur vilayətindəki Kornidzor kəndindən Şuşa rayonunun Kiçik Qaladərəsi kəndinə gedən yol birləşəcək.
Uzunluğu 28 kilometr olan bu yol Laçın rayonunun 6 kəndindən keçəcək. Yolun bu ilin iyul ayına kimi istifadəyə veriləcəyi gözlənilir.
