Ukrayna Ordusu: “Xerson istiqamətində 28 Rusiya hərbçisi zərərsizləşdirilib”

Ukrayna Ordusu: “Xerson istiqamətində 28 Rusiya hərbçisi zərərsizləşdirilib”

Ukrayna Silahlı Qüvvələri iyunun 18-də cənub cəbhəsində 4 hava hücumu həyata keçirib. Ukrayna hərbçiləri üç helikopterlə Xerson vilayətində işğalçıların cəmləşdiyi yerə zərbələr endiriblər.

Mediainfo.az xəbər verir ki, bu barədə Ukrayna Silahlı Qüvvələrinin “Cənub” operativ komandanlığı feysbukda məlumat yayıb.

Bildirilib ki, Ukrayna hərbçiləri Xerson vilayətinin Davıdov Brod və Nikolayev vilayətinin Snegirevka ərazilərində Rusiya qoşunlarının canlı qüvvə və texnikasının toplandığı əraziyə qırıcı təyyarələrlə hücum edib, həmçinin Xerson vilayətinin Belozerske icması ərazisində qarşı tərəfin döyüş sursatına aviazərbələr endirib.

Ukrayna Ordusu iyunun 18-də cənub cəbhəsində 28 Rusiya hərbçisini, 1 T-62 tankını, radiolokasiya stansiyasını, bir yanacaqdaşıyan maşını və digər texnikanı məhv edib.

Qeyd edək ki, mərkəzi şəhəri daxil olmaqla böyük hissəsi Rusiya qüvvələrinin işğalı altında olan Xerson vilayətində vəziyyət ağır olaraq qalır. İşğalçı qüvvələr nəzarət etdikləri əraziyə humanitar yardımın göndərilməsini əngəlləyir, Ukrayna Ordusunun vilayətdə azad etdiyi yaşayış məntəqələrini müntəzəm olaraq atəşə tutur.

Son həftələrdə Ukrayna Silahlı Qüvvələri Xerson istiqamətində əks-hücuma başlayıb. Onlar vilayətin bir sıra ərazilərini işğaldan azad edərək Xerson şəhərinə yaxınlaşıblar. Hazırda bölgədə şiddətli döyüşlər davam edir.

Çox oxunan xəbərlər
Elan Elan
Son xəbərlər

2022.07.01

2022.06.30

2022.06.29

2022.06.28

2022.06.27

2022.06.26

2022.06.25

2022.06.24

2022.06.23

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2022 (c) Mediainfo.az