Azərbaycanlı yazıçı Xalq artistinin oğlunu polisə verdi

Azərbaycanlı yazıçı Xalq artistinin oğlunu polisə verdi

Tanınmış azərbaycanlı yazıçı Orxan Bahadırsoy mərhum Xalq artisti Qəndab Quliyevanın oğlu Hafiz Həmidovu Daxili İşlər Nazirliyinə şikayə edib.

Mediainfo.az xəbər verir ki, bu barədə olay-a O.Bahadırsoyun özü məlumat verib. Gənc yazıçı bildirib ki, buna səbəb Hafizin onu təhqir etməsidir:

“Qəndab Quliyeva haqqında “YouTube” kanalımda video hazırlamışdım və orada xanəndənin görüntülərinə yer vermişdim. Həmin görüntülərin yer aldığı kanalı da Qəndab Quliyevanın oğlu Hafiz Həmidov işlədirmiş. Videonun yayımlanmasından bir müddət sonra Hafiz Həmidov mənə zəng etdi. Məhəlli danışıq səviyyəsi ilə dedi ki, onun kanalındakı video görüntülərdən niyə istifadə etmişəm? Ardınca, bildirdi ki, bu bir yana, mən niyə Eldar Rəfiyevin adını çəkmişəm videoda? Eldar Rəfiyev də Qəndab Quliyevanın həyat yoldaşı olub. Bir sənətkarın həyatı haqqında video material hazırlayıb, onun həyat yoldaşından danışmamaq düzgün deyil axı.

Görünür, mərhum Qəndab xanımın oğlu Hafiz Həmidov ilə əri Eldar Rəfiyev arasında ciddi problem var. Amma Hafiz Həmidov öz şəxsi problemlərinə media nümayəndələrini də bulaşdırır. Üstəlik, bu adamın dilindən təhqir, hədə-qorxu əskik olmur. Sual verirəm ki, niyə belə mafiya dilində danışır? “Mən mafiozları həbs edənəm” deyib hər vəchlə bildirmək istəyir ki, o vəzifəli şəxsdir və onun arxasında duranlar var. Nəticədə, artıq on gündən çoxdur ki, Hafiz Həmidovun qeyri-etik davranışları, təhqirləri və təhdidlərindən usanıb Daxili İşlər Nazirliyinin qaynar xəttinə şikayət ünvanladım. Şikayətimi qeydə aldılar. Araşdırılmasını gözləyirəm”.

Çox oxunan xəbərlər
Son xəbərlər

2022.01.24

2022.01.23

2022.01.22

2022.01.21

2022.01.20

2022.01.19

2022.01.18

2022.01.17

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2022 (c) Mediainfo.az