Kamran Əliyev: “Kimin icazəsi yoxdursa, Bakıya buraxılmayacaq”

Kamran Əliyev: “Kimin icazəsi yoxdursa, Bakıya buraxılmayacaq”

"İki gün öncə rayona gedən Bakı və Abeşron sakinlərindən kimin icazəsi yoxdursa, onlar şəhərə buraxılmayacaq"
Bunu Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.

Onun sözlərinə görə, sakinlərə bu barədə əvvəlcədən məlumat verilmişdi.
“Deyilmişdi ki, Bakı sakinləri, hətta dövlət orqanlarında xidmət edən şəxslər digər rayonlara ezamiyyət vərəqəsi əsasında gedə bilərlər. Bakı, Sumqayıt, Gəncə, Lənkəran və Abşeron rayonunda tətbiq olunan giriş-çıxış məhdudiyyəti karantin rejiminin sonunadək qüvvədədir. Sakinlər bu əraziləri icazə əsasında tərk edə bilərlər. Şirkətdə, digər müəssisələrdə işləyən və rayon qeydiyyatı olan şəxslərə icazə verilmişdi ki, gəlib Bakıda fəaliyyət göstərsinlər. Həmin şəxslərə tapşırıldı ki, qeydiyyatın rayon yerində olmasından asılı olmayaraq, Bakı ərazisini tərk etməsinlər, çünki getsələr geri buraxılmayacaqlar”.
K.Əliyev hesab edir ki, rayonlara gedənlərin əksəriyyəti iki günlük sərt karantin rejimindən istifadə edərək bölgələrə üz tutanlardır.
“Dedilər ki, “biz qayıtmayacayıq, evimiz oradadır”. Amma indi yaşanan situasiya göstərir ki, onlar düzgün informasiya verməyib və şəhərə qayıtmaq istəyirlər. Bununla da icazəsi olan, qanuni əsaslarla şəhəri tərk edən insanların geri qayıtmasına mane olurlar. Postlardan ancaq müvafiq icazə sənədi olan şəxslər Bakı şəhərinə buraxılır, digərləri isə geri qaytarılır. Postlarda bütün maşınlar, sürücü və sərnişinlər yoxlanılır və kimin icazəsi yoxdursa, geri qaytarılır”.
Qeyd edək ki, hazırda rayonlardan Bakı istiqamətində böyük tıxaclar müşahidə edilir. Bu səbəbdən yüzlərlə avtomobil yolda qalıb.

Mediainfo.az

Çox oxunan xəbərlər
Son xəbərlər

2020.08.11

2020.08.10

2020.08.09

2020.08.08

2020.08.07

Sabahın hava proqnozu Sabahın hava proqnozu 7 Avqust 14:47

2020.08.06

Müsahibə
Arxiv






free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: mediainfo.az@mail.ru
2009-2020 (c) Mediainfo.az. Created by NetService.az