+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
Bu avtomobillərin gömrük rüsumu 0 faizə endirildi!
12 Noyabr 2022 11:44
Azərbaycan Dövlət Neft Fondu (ARDNF) bu ilin yanvar ayında “Azəri-Çıraq-Günəşli” (AÇG) yataqlar bloku və “Şahdəniz” qaz-kondensat yatağı üzrə əldə edilən gəlirlərin artmasının səbəbi dövlətin payına düşən mənfəət neftinin miqdarının, mənfəət kondensatının satış qiymətinin artması və Avropanın yüksək Hub (spot) qaz qiymətlərinin təsirindəndir.
Mediainfo.az-ın xəbərinə görə, Report-un sorğusuna cavab olaraq ARDNF-dən bildiriblər ki, bu ilin yanvar ayında 2021-ci ilin analoji dövrü ilə müqayisədə AÇG layihəsi üzrə dövlətin payına düşən mənfəət neftinin satış qiymətinin əhəmiyyətli artması və eyni zamanda bunun nəticəsində Hasilatın Pay Bölgüsü Sazişinin (HPBS) müddəalarına uyğun olaraq layihə üzrə dövlətin mənfəət payının formalaşdırılması mexanizmində dövlətin payına düşən mənfəət neftinin miqdarının artması olub.
Həmçinin, Fonddan bildirilib ki, “Şahdəniz” layihəsi çərçivəsində tərəflər arasında qazın alqı-satqısı üzrə bağlanmış sazişlərin müddəalarına uyğun olaraq, müəyyən şərtlərin tətbiqi nəticəsində layihə üzrə ARDNF-ə ödənilən dövlətin qaz gəlirləri 2021-ci ilin yanvar ayında 2022-ci ilin analoji dövrü ilə müqayisədə az olub: “Eyni zamanda, müvafiq dövr üçün gəlirlərin artmasına digər səbəb, dövlətin payına düşən mənfəət kondensatının satış qiymətinin əhəmiyyətli artmasının və “Şahdəniz” layihəsi üzrə Azərbaycan qazının artıq Avropaya çatdırılması və Avropanın yüksək Hub (spot) qiymətlərinin təsiridir.
Xatırladaq ki, bu ilin yanvar ayında ARDNF-in "Azəri-Çıraq-Günəşli" yataqlar blokundan əldə etdiyi gəlirləri 683,114 milyon ABŞ dolları təşkil edib. Bu, illik müqayisədə 2,8 dəfə çoxdur. Ötən ilin müvafiq dövründə sözügedən göstərici 244,946 milyon ABŞ dolları səviyyəsində idi.
Bundan başqa, yanvar ayında ARDNF "Şahdəniz" yatağından (qaz və kondensatın satışından) əldə etdiyi gəlirləri 149 milyon 899 min ABŞ dolları təşkil edib ki, bu da illik müqayisədə 42,4 dəfə çoxdur. O cümlədən, Fondun "Şahdəniz" yatağı üzrə kondensatın satışından əldə olunan gəlirləri 22 milyon 172 min ABŞ dolları olub, bu da 6,3 dəfə artım deməkdir.
