+994 77 767 06 66
Fəxrəddin Manafov: "Həyat yoldaşım dünyasını dəyişəndə dedim ki..."
Müəssisələrin hər birindən 20 min manat pul alıb - Səlim Müslümovun məhkəməsi
Putin İrəvana nə aparır? - Yevseyev
Paşinyan anlaşmanı pozur – “Azərbaycana başqa seçim qoymurlar”
Üzərlik şəva mənbəyi, min bir dərdin dərmanıdır
“Məni divara sıxdı, sinəmdən tutdu, zorla...” - Qalmaqal
Dünyanın sonu üçün geri sayım başladı – Hansı ölkələr salamat qalacaq?
“Vəsiyyət etdi ki, mən ölsəm, Ərdəbildən torpaq gətirib məzarımın üstünə tökərsən...”
Bu avtomobillərin gömrük rüsumu 0 faizə endirildi!
12 Noyabr 2022 11:44
2022-ci ilin I rübündə Avropa İttifaqı (Aİ) ölkələrinin Trans-Adriatik qaz kəməri (TAP) vasitəsilə Azərbaycandan qaz almaq üçün xərcləri təxminən, 2,1 mlrd.avro təşkil edib.
Mediainfo.az xəbər verir ki, bu məlumatlar Avropa Komissiyasının (AK) Avropa qaz bazarındakı vəziyyətə dair rüblük hesabatında verilib. Orada qeyd olunur ki, 2022 - ci ilin ilk aylarında ai qaz idxalına 78 mlrd.avro vəsait sərf edib. Bu məbləğin 26,5 mlrd avrosu Rusiyanın, 19,2 mlrd. avrosu Norveçi, 5,4 mlrd. avrosu -Şimali Afrikanın (Əlcəzair və Liviya), 2,1 mlrd. avrosu-TAPın (Azərbaycanın payına düşür. Aİ sıxılmış qaz şəklində 2022-ci ilin I rübündə təxminən 33 mlrd.avro həcmində qaz idxal edib.
Avropa Komissiyası Azərbaycandan il ərzində tədarüklərin artımını qeyd edib. Hesabata əsasən, cari ilin I rübündə TAP üzrə qaz tədarükünün payı ümumi tədarük həcminin 2,5% - ni ( bir il əvvəl 1,2% - ə qədər) təşkil edib.
""TAP" Azərbaycanın qaz resurslarına Cənub Qaz Dəhlizi (YUKK) vasitəsilə çıxışı təmin edir ki, bu da Aİ - nin qaz təchizatının təhlükəsizliyi siyasətinin mühüm nəticəsidir", - deyə bildiriblər.
Araşdırmada Azərbaycan qazının rəqabətə davamlılığı qeyd olunur.
Azərbaycan qazının TAP qaz kəməri ilə istehlakçılara- İtaliya, Yunanıstan və Bolqarıstana tədarükünə 31 dekabr 2020-ci ildə başlanılıb.
2021 - ci ildə Azərbaycan Avropaya 8,2 mlrd.kubmetr, 2022-ci ilin I rübündə 2,6 mlrd. kubmetr qaz ixrac edib. 2022-ci ildə proqnoza görə, Avropaya qaz ixracının həcmi 10 mlrd.kubmetrdən çox olacaq.
TAP - ın ümumi uzunluğu 878 km təşkil edir ki, bunun da 550 km - i Yunanıstanın şimal hissəsindən, 215 km - i Albaniya ərazisindən, 105 km-i Adriatik dənizindən, 8 km-i isə İtaliya ərazisindən keçir. TAP Azərbaycan qazının Avropaya çatdırılması üçün CQD - infrastruktur layihəsinin son komponentidir.
Qaz kəməri "Mərhələ-2" çərçivəsində "Şahdəniz" yatağından təbii qazın ildə 10 mlrd.kubmetrinin Avropaya nəql edilməsi üçün nəzərdə tutulub. Qaz kəmərinin ötürmə qabiliyyəti onun gücünü iki dəfə - 20 mlrd. kubmetrə qədər artırmağa imkan verir.
Layihənin iştirakçıları: SOCAR şirkəti (20%), BP (20%), Snam (20%), Fluxys (19%), Enagas (16%) və Axpo (5%). Layihənin dəyəri - 4,5 milyard avro. TAP-ın təməli 17 may 2016-cı ildə Yunanıstanda qoyulub.
Emin Axund
