Tağıyevin heykəlini zədələyənlər çox güman ki, 3 ilədək azadlıqdan məhum ediləcəklər

Tağıyevin heykəlini zədələyənlər çox güman ki, 3 ilədək  azadlıqdan məhum ediləcəklər

"Hacı Zeynalabdin Tağıyevin heykəlini zədələyənlər çox güman ki, 3 ilədək azadlıqdan məhum ediləcəklər”.

Mediainfo.az xəbər verir ki, bunu Qaynarinfo-ya açıqlamasında vəkil Əkrəm Həsənov Bakıda xeyriyyəçi Hacı Zeynalabdin Tağıyevin heykəlini zədələyənləri gözləyən cəzadan danışarkən deyib.

Vəkil bildirib ki, sözügedən hadisə cəmiyyətimiz və ictimaiyyətimiz tərəfindən çox pis qarşılanıb: "Həqiqətən də bu böyük hörmətsizlikdir. Söhbət Zeynalabdin Tağıyevin abidəsindən gedir. Bu, ona və cəmiyyətə qarşı hörmətsizlikdir”.

Əkrəm Həsənov vurğulayıb ki, onlara qarşı iki maddə - 221-ci və 246 maddəsi ilə cinayət işi açılıb: "Onlar ictimai qaydanı kobud sürətdə pozub, cəmiyyətə açıqca hörmətsizlik ifadə edib və qərəzli hərəkətləri ilə özgənin əmlakını zədələyiblər. Həmin maddədə göstərilir ki, bu əməl bir qrup şəxs tərəfindən törədilib və bu zaman onun cəzası daha ağırdır”.

Qeyd edək ki, bir neçə gün öncə Bakıda xeyriyyəçi Hacı Zeynalabdin Tağıyevin heykəli ucaldılıb. Heykəl gecəykən bir qrup şəxs tərəfindən zədələnib. Hadisə ilə bağlı aparılan araşdırma nəticəsində 1991-ci il təvəllüdlü Vüqar Tağızadə və 1996-cı il təvəllüdlü Allahverdi Məmmədli barəsində həbs qətimkan tədbiri seçilib.

Çox oxunan xəbərlər
Elan
Son xəbərlər

2022.05.27

2022.05.26

2022.05.25

2022.05.24

2022.05.23

2022.05.22

2022.05.21

2022.05.20

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2022 (c) Mediainfo.az