Azərbaycan millisi bu gün DÇ-2022-nin seçmə mərhələsi çərçivəsində Portuqaliya ilə görüşəcək

Azərbaycan millisi bu gün DÇ-2022-nin seçmə mərhələsi çərçivəsində Portuqaliya ilə görüşəcək

Futbol üzrə Azərbaycan millisi bu gün DÇ-2022-nin seçmə mərhələsində mübarizəyə başlayacaq.

Mediainfo.az xəbər verir ki, A qrupunda yer alan yığma I turda Portuqaliya seçməsi ilə qarşılaşacaq.

Koronavirus pandemiyası səbəbindən İtaliyanın Turin şəhərindəki “Yuventus” stadionunda keçiriləcək görüş Bakı vaxtı ilə saat 23:45-də start götürəcək.

Hər iki kollektiv matça itkilərlə çıxacaq. Meydan sahiblərinin heyətində Ruy Patrisiu, Pepe və Rafael Gerreyrunun zədə səbəbindən oynamayacağı dəqiqdir. Ruy Silvanın isə meydana çıxıb-çıxmayacağı sual altındadır.

Azərbaycan millisində isə yeganə itki Qara Qarayevin yoxluğudur. “Qarabağ”ın yarımmüdafiəçisi zədəli olduğu üçün Turinə aparılmayıb.

DÇ-2022-nin seçmə mərhələsi

A qrupu

I tur

23:45. Portuqaliya – Azərbaycan

Hakimlər: Daniel Zibert, Yan Zaydel, Rafael Foltin, Saşa Stegemann (Almaniya)

İtaliya, Turin. “Yuventus” stadionu

Qeyd edək ki, bu qrupun digər oyunlarında Serbiya millisi İrlandiya ilə, Lüksemburq isə Qətərlə üz-üzə gələcək.

Çox oxunan xəbərlər
Son xəbərlər

2021.04.16

2021.04.15

2021.04.14

2021.04.13

2021.04.12

2021.04.11

2021.04.10

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2021 (c) Mediainfo.az