Ermənistanda hərbi qiyam? Ordu Nikolun istefasını tələb etdi

Ermənistanda hərbi qiyam? Ordu Nikolun istefasını tələb etdi

Ermənistan ordusunun Baş Qərargahı Baş nazir Nikol Paşinyanın istefasını tələb edib.

Mediainfo.az xəbər verir ki, bu barədə “Sрutnik Ermənistan” məlumat yayıb.

Bəyanatı Baş Qərargahın rəisi Onik Qasparyan, onun bütün müavinləri, idarə rəisləri, o cümlədən iri hərbi birliklərin komandirləri imzalayıb.

Bəyanatda qeyd edilir ki, Baş Qərargah əsassız və hədəfi olmayan qərarlara, o cümlədən Baş Qərargah rəisinin müavininin işdən azad edilməsinə etiraz edir.

Hərbçilər bildirib ki, Tiran Xaçatryanın vəzifədən azad edilməsi milli və dövlət maraqlarına görə deyil, sırf şəxsi ambisiyalarla əlaqədardır.

“Bu qərar antidövlət və məsuliyyətsiz addımdır”, - bəyanatda bildirilib.

Bəyanat müəllifləri baş nazirin və hökumətin mövcud krizis vəziyyətində adekvat qərarlar qəbul etmək iqtidarında olmadığını elan edib:

“Silahlı Qüvvələr uzun müddət hazırkı hakimiyyətin orduya qarşı fəaliyyətinə dözümlü yanaşdı, ancaq hər şeyin həddi var. SQ öz borcunu ləyaqətlə yerinə yetirib, xalqla birgə düşmənlə üzbəüz vuruşub. Hazırkı hakimiyyətin effektsiz idarəetməsi və xarici siyasətdə uğursuzluğu ölkəni məhvə aparır”.

Bəyanatı ordunun 40-dan çox yüksək çinli zabiti imzalayıb.

Qeyd edək ki, Nikol Paşinyanın müharibə vaxtı "İsgəndər"lərdən atılan raketlərin 90 faizinin partlamadığını bildirməsi rezonansa səbəb olub. Baş Qərargah rəisinin müavini Xaçatryan isə Paşinyanın bu sözlərini qeyri-ciddi adlandırmışdı.

Xaçatryanın bu cür cavabından qəzəblənən N.Paşinyan ötən gün onu vəzifəsindən azad etmişdi.

Çox oxunan xəbərlər
Son xəbərlər

2021.04.16

2021.04.15

2021.04.14

2021.04.13

2021.04.12

2021.04.11

2021.04.10

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: [email protected]
2009-2021 (c) Mediainfo.az