Bakının “qəhrəman şəhər” adına layiq görülməsi tarixi ədalətin bərpa olunması demək ola bilər

Bakının “qəhrəman şəhər” adına layiq görülməsi tarixi ədalətin bərpa olunması demək ola bilər

Bakının “qəhrəman şəhər” adına layiq görülməsi, ilk növbədə, tarixi ədalətin bərpa olunması deməkdir. Bu, Bakını müdafiə edən bütün sovet adamlarının rəşadətinə sayğı kimi dəyərləndiriləcək.

Mediainfo.az-ın verdiyi xəbərə görə, bu sözləri “Rusiya zabitləri” Ekspert Şurasının üzvü dosent Aleksandr Perenciyev Axar.az-a müsahibəsində deyib.

Onun sözlərinə görə, Bakı neftinin itirilməsi faşist Almaniyası və onun muzdluları ilə vuruşan bütün SSRİ üçün ciddi fəlakətlə nəticələnə bilərdi, buna görə Bakını qorumğın əhəmiyyəti çox böyük idi:

“Bakının "qəhrəman şəhər" adını alması həm də Azərbaycan SSR-in Qırmızı ordu, xalq ordusu və partizan dəstələri sıralarında vuruşan əhalisinin igidliyinin göstərilməsi deməkdir”.

Azərbaycan Silahlı Qüvvələrinin əsgərlərinin Moskvada təşkil olunan Böyük Vətən müharibəsinin 75 illiyinə həsr olunmuş paraddakı iştirakından danışan Perenciyev qeyd edib ki, Azərbaycan hərbçiləri parad zamanı nəinki əla sıravi hazırlıq bacarığı, həm də sovet ordusunun ənənələrinə hörmət nümayiş etdirmişlər:

“Böyük Vətən müharibəsi illərində Azərbaycan SSR ərazisində 77-ci, 223-cü, 271-ci, 402-ci və 416-cı Milli Azərbaycan diviziyaları yaradılmışdı. Azərbaycan oğullarının qəhrəmanlığını Qafqazdan Berlinə qədər döyüş yolu keçmiş və “Taqanroq” fəxri adını almış 416-cı atıcı diviziyasının nümunəsində göstərmək olar. Bu diviziyanın döyüşçüləri Taqanroq və Melitopolu azad etdi, 1944-cü ilin fevral ayının əvvəlində Almaniya vermaxtının 9-cu piyada diviziyasını darmadağın etdi.

Onlar Odessanı, Kişinyovu, Varşavanı azad edən qoşunların ön sıralarında idilər. 1945-ci ilin fevral ayında isə 416-cı diviziya 295-ci diviziya ilə birlikdə faşist qoşunlarının müdafiəsini yardı və Berlin qapısı hesab edilən Küstrin şəhərinə daxil oldu. Aprel ayında Almaniya paytaxtına hücumda iştirak edən Azərbaycan deviziyası 1 may 1945-ci ildə saat üç radələrində, şiddətli döyüşlərdən sonra Kayzer sarayını ələ keçirdi və sarayın üzərinə Qırmızı bayrağı dalğalandırdı. 2 may 1945-ci il səhər saatlarında isə leytenant Məcidovun rəhbərliyi altında diviziya döyüşçülərindən ibarət qrup Brandenburq qapıları üzərində Qırmızı bayraq ucaltmağa nail oldu”, - deyə Perenciyev qeyd edib.

Onun sözlərinə görə, bu faktları nəzərə alaraq Bakıya “qəhrəman şəhər” adı verilməsi vacibdir.

Mediainfo.az

Çox oxunan xəbərlər
Son xəbərlər

2020.07.07

İraqda terror İraqda terror 7 İyul 17:00

2020.07.06

Hindistanda partlayış Hindistanda partlayış 6 İyul 10:07

2020.07.05

2020.07.04

2020.07.03

Müsahibə
Arxiv






free counters

free counters
Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı şəh., Yasamal r-nu 529-cu məhəllə, AZ 1073.
Təsisçi: “Mətbuat” firması. Redaktor müavini: Əziz Mustafayev
Tel.: 012 510 59 89, 077 767 06 66
E-mail: mediainfo.az@mail.ru
2009-2020 (c) Mediainfo.az. Created by NetService.az